Мадридга бекор келибман!

Норвегиялик тўпурар Александр Сёрлот ёзда катта умидлар билан “Атлетико”га сафига кўчиб ўтган  эди.

Бироқ 28 ёшли ҳужумчининг Мадрид клубида ишлари юришмаяпти. Ҳозирга қадар у Испания чемпионати ва Европа Чемпионлар лигасида жами 11 маротаба майдонга тушиб, атиги битта гол муаллифи бўлди.

Ўтган мавсум “Вильярреал”да тўпурарлик маҳоратини намойиш қилган футболчи учун “матрасчилар” 32 миллион евро тўлаган эди. Ҳозирча бу трансфер ўзини оқлагани йўқ.

Мутахассисларнинг таъкидлашича, Сёрлотга бош мураббий Диего Симеоне қўллаётган тактика тўғри келмаяпти. Аргентиналик мутахассис жамоасини кучли ҳимояланиб, тезкор қарши ҳужумга ўтиш орқали ўйнашга ўргатган.

Энди Сёрлот Англия Премьер-лигасига ўтишни кўзлаяпти. Тажрибали ўйинчига “Вест Хэм” бош мураббийи Хулен Лопеге қизиқиш билдирган. Бу трансфер январь ойига мўлжалланмоқда.

Александр Сёрлот фаолияти давомида Норвения, Нидерландия, Дания, Англия, Бельгия, Туркия, Германия, Испания чемпионатларида тўп тепган.