Мадридга супертўпурар керак

Португалия чемпионлиги учун курашаётган “Спортинг” жамоаси ҳужумчиси Виктор Дьёкереш ёзги трансферлар ойнасида катта эҳтимол билан клубни тарк этиши кутилмоқда.

Шу сабабли 26 ёшли швед футболчиси учун Европанинг деярли барча йирик клублари кураш олиб бормоқда.

Дьёкереш учун навбатдаги манзил Англия Премер-лигаси бўлиб турибди. “Арсенал”, “Манчестер Юнайтед”, “Челси” ва “Ливерпуль” каби топ-клублари унга жиддий қизиқиш билдирмоқда.

Бироқ Испания спорт нашрларининг хабар беришича, “Атлетико Мадрид” инглиз клубларининг молиявий устунлигига қарамай, Дьёкерешни Ла Лигага олиб келиш учун бор кучини ишга солмоқчи.

Трансфермаркт порталига кўра, футболчининг тахминий трансфер нархи 68 миллион фунт стерлингга баҳоланмоқда. 

Мадридликлар бош мураббийи Диего Симеоне келаси мавсум олдидан таркибга жиддий  ўзгартиришлар киритиш режасини тузмоқда. Шу боис, раҳбарият уни молиявий томондан қўллаб-қувватлашга тайёр.