Мағлубиятдан кейин Анчелотти катта ваъда бериб юборди

Европа Чемпионлар лигасининг умумий босқичида амалдаги чемпион “Реал” сафарда “Ливерпуль” меҳмони бўлиб, 0:2 ҳисобида имкониятни бой берди.

Бешта ўйинда атиги олти очко тўпулаган “Реал” хавфли ҳудуд чегараси – 24-ўринга тушиб қолган.

Мағлубиятдан кейин Карло Анчелотти жамоасининг плей-оффга чиқиш имкониятига баҳо берди.

- Менга жамоам ёқди, жуда яхши курашди. Биз ғалаба қозонганимизда ҳам ҳеч нарса ўзгармас эди, чунки барибир кучли саккизликка кира олмасдик.

Биз кейинги босқичга чиқамиз ва ҳар йилгидек бош соврин учун курашамиз. Бунга ўзингиз гувоҳ бўласиз, - деди Карло Анчелотти.