Магуайр Аморимни қўллаб-қувватлади

Харри Магуайр "Манчестер Юнайтед"нинг собиқ мураббийи Рубен Аморим ҳақида фикр билдирди.

"Мен у ҳақида ёмон гап айта олмайман. Унинг олдида ажойиб мураббийлик карьераси борлигига ишонаман ва кейинги жамоасида у кўплаб ғалабаларга эришади.

Шунчаки, бизда ҳаммаси ўхшамади. Бу ерда футболчилар ҳам катта масъулиятни ўз зиммасига олиши керак", — деди Магуайр.

Маълумот учун, Аморим "Манчестер Юнайтед"ни 2024 йил ноябридан 2026 йил январигача бошқарган. Айни пайтда жамоага вақтинча Майкл Каррик раҳбарлик қилмоқда.

31 турдан сўнг "қизил иблислар" Англия Премьер-лигасида 55 очко билан 3-ўринда бормоқда.