"Манчестер Сити" бразилиялик ҳужумчи билан шартнома имзоламоқчи

"Манчестер Сити" ёзги трансферлар ойнасида "Реал Мадрид" аъзоси Родригони сотиб олмоқчи. Бу ҳақда "Todafichajes" нашри маълум қилди.

Хабарга кўра, "шаҳарликлар" бош мураббийи Хосеп Гвардиола ушбу трансферни амалга оширишни шахсан ўзи  хоҳламоқда. Инглиз клуби бразилиялик футболчи учун 150 миллион евро сарфлашга тайёр. Вингер сўнгги пайтларда Мбаппе ва Винисиуснинг соясида қолмоқда. 

Маълумот учун, 24 ёшли футболчининг "қаймоқранглилар" билан тузган амалдаги шартномаси 2028 йилнинг ёзигача амал қилиб,  Трансфермаркт порталидаги нархи 100 миллион еврони ташкил қилади. Ҳужумчи жорий мавсум Ла Лигада 21 баҳсда иштирок этиб, 6 та гол ва 6 та ассистни ўз ҳисобига ёздириб қўйди.