"Manchester Siti": Buaddi Rodrigga o‘rinbosar emas!

«Lill» jamoasi yarim himoyachisi Ayub Buaddi «Manchester Siti»ga o‘tishi arafasida turibdi. 18 yoshli marokashlik futbolchi yaqin kunlar ichida «shaharliklar» safini rasmiy to‘ldirishi kutilmoqda. 

Bu transfer Rodrining «Barselona»ga sotilishi rasmiylashganidan so‘ng e’lon qilinadi.

Jurnalist Pol Hyurst ma’lumotlariga ko‘ra, «Manchester Siti» rahbariyati Buaddini Rodrining to‘g‘ridan-to‘g‘ri o‘rnini bosuvchi sifatida ko‘rmayapti. Garchi yosh marokashlik ham xuddi shu zonada o‘ynashni yoqtirsa-da, jamoada ispaniyalik yulduzning vazifasini ko‘proq Elliot Anderson bajarishi rejalashtirilgan. U shu yozda «Nottingem Forest» klubidan 135 million yevro evaziga xarid qilingan edi.

Ayub Buaddining o‘tishi taxminan 100 million yevro atrofida baholanmoqda. Shu bilan birga, insayderlar ta’kidlashicha, yosh iste’dod bilan shartnoma imzolanganidan keyin ham «Siti» yarim himoya chizig‘ini kuchaytirishni to‘xtatmasligi mumkin. 

Manchester klubi qimmatbaho havbeklardan yana biri – «Chelsi» futbolchisi Enzo Fernandezni ham o‘z safiga qo‘shib olishga urinishi ehtimoldan xoli emas.