“Manchester Siti” de Bryuyne o‘rniga Italiyadan o‘rinbosar topdi

“Manchester Siti” Kevin de Bryuyne o‘rniga “Atalanta” futbolchisi Sharl de Ketelareni olib kelmoqchi. 
 
Xabaringiz bor, “shaharliklar” bir necha kundan buyon de Bryuyne o‘rniga futbolchi izlamoqda. Hozirda “Bayer” o‘yinchisi Florian Virts eng yaxshi variant sifatida ko‘rilmoqda. 
 
“TBR Football” nashrining ma’lumotiga ko‘ra, manchesterliklar so‘nggi kunlarda bergamoliklarning belgiyalik yarim himoyachisi hisoblangan de Ketelareni jalb qilish haqida o‘ylamoqda. Agarda “Atalanta” futbolchi uchun takliflarni ko‘rib chiqmoqchi bo‘lsa, angliyaliklar asosiy da’vogar hisoblanadi. 
 
Ma’lumot o‘rnida, 23 yoshli havbek joriy mavsum 38 ta bellashuvda ishtirok etib, 11 ta gol va 11 ta golli uzatmaga mualliflik qilgan. Uning klub bilan amaldagi shartnomasi 2027 yilgacha mo‘ljallangan bo‘lib, Transfermarkt portalidagi narxi 38 million evro deb hisoblanmoqda.