"Manchester Siti" futbolchilari va boshqa mashhur sportchilar harbiy loyihaga aralashib qolishgan

Formula-1 poygachisi, "Ferrari" jamoasi vakili Sharl Lekler, dunyoning ikkinchi raqamli tennischisi italiyalik Yannik Sinner, dunyoning ikkinchi raqamli ayol tennischisi polshalik Iga Shvyontek va "Manchester Siti" futbolchilari Xitoy hukumati bilan bog‘liq harbiy tashkilotlar tomonidan sportchilarning miya faolligi haqidagi ma’lumotlarni o‘g‘irlashda qurbon bo‘lishi mumkin, deb xabar berdi Ispaniyaning AS nashri.

Hunterbrook Media va jurnalist Pablo Torre tomonidan o‘tkazilgan tadqiqotda sportchilar Xitoyda ishlab chiqarilgan FocusCalm maxsus bosh bog‘ichi yordamida miya to‘lqinlari ma’lumotlarini beixtiyor uzatishgan bo‘lishlari mumkin.

FocusCalm - bu miya faolligini o‘lchash uchun EEG tasmasi va neyro-qaytar aloqa yordamida kontsentratsiya va bo‘shashishni yaxshilash uchun xuddi shu nomdagi ilovani birlashtirgan tizim. Texnologiya o‘yinlar, meditatsiyalar va aqliy mashqlardan foydalanib, stressli vaziyatlarda xotirjamlikni saqlashga yordam beradi.