«Манчестер Сити» ҳимоячиси қишда кетмоқчи
«Манчестер Сити» ҳимоячиси Раян Аит-Нури қишки трансфер ойнасида жамоани тарк этиб, «Ювентус» ёки «Наполи»га ўтиши мумкин.
«Манчестер Сити» таркибида тўп суриб келаётган чап қанот ҳимоячиси Раян Аит-Нури қишки трансфер ойнасида жамоани тарк этишни режалаштираётгани айтилмоқда. Бу ҳақда журналист Саша Тавольери хабар берди.
Манба маълумотларига кўра, 25 ёшли футболчига Италиянинг икки йирик клуби — «Ювентус» ва «Наполи» жиддий қизиқиш билдирмоқда. Серия А гранди ҳисобланган ушбу жамоалар вакиллари аллақачон Алжир терма жамоаси аъзосининг атрофидаги шахслар билан музокара бошлаб юборгани қайд этилмоқда.
Жорий мавсумда Аит-Нури барча мусобақалар доирасида тўртта учрашувда майдонга тушиб, учта голли узатма муаллифига айланди.
Transfermarkt портали баҳосига кўра, ҳимоячининг трансфер қиймати 35 миллион еврони ташкил этмоқда.
Изоҳлар (0)