"Манчестер Сити" жамоа сардори билан шартнома узайтирмайди

"Манчестер Сити"нинг португалиялик ярим ҳимоячиси Бернарду Силванинг келажаги ҳақида маълумот пайдо бўлди.

Diario AS нашрининг хабар беришича, "Манчестер Сити" 31 ёшли футболчи билан меҳнат шартномасини узайтирмаса керак, бу эса унга келаси ёзда жамоани эркин агент сифатида тарк этиш имконини беради.

Хавбекка Италиянинг "Ювентус" ва Португалиянинг "Бенфика" клублари қизиқиш билдирмоқда.

Бернарду Силва 2017 йилда "Манчестер Сити" футболчисига айланган. У жорий мавсум Англия Премер-лигаси доирасида учта ўйинда майдонга тушди, бироқ самарали ҳаракатлар қайд этмади.

Transfermarkt портали маълумотларига кўра, Силванинг нархи 38 миллион еврони ташкил этади.