"Манчестер Сити" кетма-кет 4 та ўйинда "Челси"ни мағлубиятга учратган иккинчи жамоа бўлди

“Манчестер Сити” премьер-лиганинг 19-турида сафарда “Челси”ни мағлубиятга учратди (1:0).

Эътиборлиси, "шаҳарликлар" турли турнирларда “Челси”ни кетма-кет 4 марта гол ўтказиб юбормасдан мағлуб этган тарихдаги иккинчи клуб бўлди. Бундан олдин эса 1958-1960 йилларда фақатгина “Болтон” ушбу муваффақиятга эришган холос.

Аввалроқ “Манчестер Сити” Англия лига кубогида (2:0) ва премьер-лигада (1:0, 1:0) “Челси”ни мағлуб этганди.

Эслатиб  ўтамиз, “Манчестер Сити” 8 январь куни Англия кубогининг 3-босқичида “Челси”ни қабул қилади.