"Манчестер Сити" Оскар Боббни "Фулхэм"га сотиш бўйича келишувга эришди

"Sky Sports" хабарига кўра, "Манчестер Сити" ва "Фулхэм" 22 ёшли қанот ҳужумчиси Оскар Бобб трансфери юзасидан келишувга эришди. Битим қиймати 27 миллион фунт стерлингни ташкил этади.

Маълум қилинишича, "шаҳарликлар" футболчининг кейинги сотувидан тушадиган маблағнинг 20 фоизини ҳам олади.

Оскар Бобб 2023 йилдан буён "Манчестер Сити"нинг асосий жамоасида ҳаракат қилди. У барча мусобақаларда 47 та учрашувда майдонга тушиб, 3 та гол муаллифи бўлди. Жорий мавсум Англия Премьер-лигасида эса Бобб 9 та ўйинда 1 та голли узатма амалга оширган.