"Манчестер Сити" қиммат трансферни ҳал қиляпти
«Манчестер Сити» яна йирик трансфер уюштириш арафасида. Журналист Санти Ауна маълумотларига кўра, клуб «Эвертон» ҳужумчи яримҳимоячиси Илиман Ндиайе бўйича музокараларда сезиларли силжишга эришган.
Хабар қилинишича, сенегаллик футболчининг ўзи ҳам Энцо Мареска қўл остида ўйнаш истагини билдирган.
«Эвертон»нинг 26 ёшли етакчиларидан бири ҳисобланган Ндиайега Лондоннинг «Арсенал» жамоаси ҳам қизиқиш билдиргани айтилмоқда.
Transfermarkt портали футболчининг бозор қийматини 55 миллион евро атрофида баҳолайди. Бироқ инсайдерлар маълумотича, «Эвертон» уни қўйиб юбориш эвазига тахминан 80 миллион фунт стерлинг (қарийб 93 миллион евро) талаб қилмоқда.
Илиман Ндиайе «Эвертон» сафида турли мусобақалар доирасида 73 ўйин ўтказиб, 17 та гол урган ва 4 та голли пас берган.
Фикрлар