Ads

"Манчестер Сити" клуби раҳбарияти янги мавсум учун таркибни шакллантиришни бошлади.

BBC тарқатган хабарга кўра “шаҳарликлар” дастлаб бу борадаги ишларни ярим ҳимоячи Давида Силва ва ҳимоячилар Данило ҳамда Фабиан Делфлардан бошлади. Англия чемпионлари 33 ёшли испаниялик футболчини таркибда сақлаб қолишмоқчи. Бироқ, бразилиялик ва англиялик ҳимоячилар агар кетишни хоҳлашса, ўзларига янги жамоа қидиришни бошлашлари мумкин.

Ўз навбатида бош мураббий Хосеп Гвардиола эса юқорида номлари тилга олинган уччала футболчини ҳам қолишга кўндирмоқчи.

Маълумот учун, Силва ҳамда Делфларнинг “Манчестер Сити” билан тузган амалдаги шартномалари 2020 йилга қадар имзоланган. Данилоники эса 2022 йилда ниҳоясига етади.