"Манчестер Сити" Сане учун "Бавария"дан зўр ҳимоячини сўради

"Бавария" ҳимоячиси Давид Алаба "Манчестер Сити" қизиқишлари доирасига кирди.

"Шаҳарликлар" 28 ёшли австриялик футболчини Лерой Сане трансфери ортидан қўлга киритишга уриниб кўрмоқчи.

Аммо мюнхенликлар Алабани қўйиб юбормоқчи эмас. Шу сабаб немис клуби кейинги йил ёзида эркин агент мақомини оладиган ҳимоячи билан шартномани узайтиришни режалаштирмоқда.

Таъкидланишича, "қизиллар" австриялик футболчига 20 миллион евродан юқори бўлмаган маошли 3 йиллик келишув таклиф қилмоқчи. Томонлар ўртасидаги музокаралар давом этмоқда.

Жорий мавсумда Алаба Бундеслигада 28 та ўйинда майдонга тушиб, 1 та гол ва 1та голли узатма берди.