“Манчестер Сити” супертрансферга қўл уради

“Манчестер Сити” таркибни мунтазам кучайтириб бориш сиёсатини давом эттиради. Ана шу мақсадда, режалаштирилаётган  трансферлар рўйхатга янги номзод қўшди.

Нишонга тушган футболчи “Борнмут”да тўпурарлик қобиялитини намойиш қилиб келаётган Антуан Семеньодир.  “Шаҳарликлар” 25 ёшли ҳужумкор ўйинчи ёрдамида совринлар учун курашиш имкониятини кучайтирмоқчи.

Transfer News Live ва Sky Sports каби манбаларда қайд этилишича, Антуан Семеньони қўлга киритиш учун “Манчестер Сити” Премьер-лиганинг “Ливерпуль”, “Тоттенхэм”, “Манчестер Юнайтед” каби гранд клублари билан рақобатлашишига тўғри келади.

Антуан Семеньо “Борнмут”  учун 101 та ўйин ўтказиб, 28 та гол урган ва 13 та голли узатма берган. Transfermarkt портали уни 55 миллион еврога баҳоламоқда.