"Манчестер Сити" ёзда 8 та асосий футболчиси билан хайрлашмоқчи

Ёзда "Манчестер Сити"да таркибнинг катта қайта қурилиши кутилмоқда. "Daily Mail" хабарига кўра, ўзининг энг юқори чўққисидан ўтиб бўлган бир қатор футболчилар жамоани тарк этиши мумкин. Ушбу рўйхатда Эдерсон, Жон Стоунс, Матео Ковачич, Илкай Гюндоган, Кевин де Бруйне ва Бернарду Силва каби футболчилар бор.

Бундан ташқари, жамоани тарк этиши кутилаётган яна бир футболчи – Жек Грилиш, у ҳозир энг яхши мавсумини ўтказмаяпти. Ёзда "Сити"ни бутунлай тарк этадиган яна бир футболчи – яқинда мавсум охиригача ижара асосида "Милан"га ўтган Кайл Уокер.

Эслатиб ўтамиз, чоршанба куни "Манчестер Сити" "Реал"га 1:3 ҳисобида ютқазиб, Чемпионлар Лигаси мусобақасидан чиқиб кетди.