“Манчестер Сити”да катта йўқотиш

2023 йил давомида бешинчи соврини – клублар ўртасидаги жаҳон чемпионлигига сазовор бўлган “Манчестер Сити” катта йўқотишга дуч келди.

Хосеп Гвардиола “Флуминенсе”га қарши ўтказилган финал учрашувида жамоа ярим ҳимоячиси Родрини иккинчи бўлим ўрталарида захирага олишига тўғри келганди.

Маълум бўлишича, испаниялик футболчини жароҳат безовта қилмоқда. Родри “Манчестер Сити” учун катта йўқотиш ҳисобланади.

Мутахассисларнинг таъкилашича, “Манчестер Сити”нинг мағлубиятсиз ўйини кўпроқ мана шу ярим ҳимоячига боғлиқ. Хусусан, “шаҳарликлар” жорий мавсумдаги тўртта мағлубиятини ҳам Родри майдонга тушмаган ўйинларда қабул қилиб олган.