“Манчестер Сити”дан кетмасам бўлмайди

“Манчестер Сити”нинг бразилиялик вингери Савио жамоани тарк этишни қаттиқ истамоқда. Бу ҳақда инсайдер Фабрицио Романо хабар берди.

Манба маълумотига кўра, 22 ёшли футболчи қатъий равишда Лондоннинг “Тоттенхэм” клубига ўтишни хоҳламоқда. “Шпорлар” уни аввалги икки трансфер ойнасида ҳам сотиб олишга уринган эди.

Бироқ “шаҳарликлар” Савиога муносиб ўринбосар топмагунларича уни қўйиб юбориш ниятида эмас.

Ўтган мавсумда 22 ёшли вингер барча мусобақаларда 36 та ўйинда қатнашиб, 4 та гол урди ва 3 та голли узатма берди.

Transfermarkt маълумотларига кўра, Савионинг бозор қиймати 35 миллион еврони ташкил қилади. Аммо манчестерликлар бу футболчи учун бу нархнинг камида икки бараварини талаб қиляпти.