"Манчестер Юнайтед" А Сериядан ярим ҳимоячи олиб келмоқчи

"Манчестер Юнайтед" "Аталанта" ярим ҳимоячиси Эдерсонни жамоага олиб келиши мумкин.

"Dairo AS" нашри берган хабарларга кўра, бразилиялик хавбекнинг хизматларига "Манчестер Юнайтед" ва Мадриднинг "Атлетико" клублари жиддий қизиқиш билдирмоқда. Бергамо клуби Эдерсоннинг амалдаги шартномаси келаси йилнинг ёзида якунига етишини ҳисобга олган ҳолда, уни 30 миллион еврога сотиб юборишга тайёр. Аввалроқ клуб уни 50 миллиондан камига сотмаслигини маълум қилганди. Бироқ футболчи итальян клуби билан шартнома узайтиришдан бош тортгани учун унинг нархини туширишга рози бўлган. "Transfermarkt" портали футболчини 45 миллион еврога баҳолаган.

Маълумот учун, 26 ёшли футболчи жорий мавсумда 12 та ўйинда майдонга тушиб, битта гол ва битта ассистни ўз ҳисобига ёздириб қўйган.