"Манчестер Юнайтед" "Барса" юлдузига кўз тикмоқда!

"Барселона" ярим ҳимоячиси Марк Касадо "Манчестер Юнайтед" рўйхатида.

"Fichajes" нашри хабарига кўра, 21 ёшли Касадо "Манчестер Юнайтед"нинг ёздаги асосий трансфер мақсадларидан бири. Испаниялик ярим ҳимоячининг ўйин услуби бош мураббийи Рубен Аморимга маъқул келади.

Португалиялик мутахассиснинг фикрича, Касадо "қизил иблислар"нинг майдон марказидаги барча муаммоларини ҳал қилади, шу сабабдан клуб ҳозирданоқ "Барселона"га 80 миллион евролик биринчи таклифни тайёрламоқда, дея хабар беради манба.

Эслатиб ўтамиз, жорий мавсумда Марк барча турнирларда 33 та ўйин ўтказиб, битта гол урди ва 6 та голли узатмани амалга оширди.