"Манчестер Юнайтед" "Барселона"нинг асосий ҳимоячиларидан бирини кўзлаб қўйди

"Барселона" футболчиси Алехандро Бальдега Англиянинг "Манчестер Юнайтед" клуби қизиқиш билдирмоқда. Бу ҳақда " El Nacional" нашри маълум қилди.
 
Хабарга кўра, "қизил иблислар" бош мураббийи Рубен Аморим қанот ҳимоясидаги муоммоларни Бальде билан бартараф этишга ишонмоқда. Шу билан бирга, футболчининг доимий равишда ҳужумни ҳам қўллаб-қувватлаши мураббийнинг ўйин услубига мос келади. Клуб раҳбарияти эса Алехандро учун каталонияликларга 40 миллион евро тўлашга тайёр. "Манкунянлик"лар ёзги трансферлар ойнасида испаниялик фулбекни жамоага олиб келиш учун қаттиқ бел боғлаган. 

Маълумот учун, 21 ёшли футболчининг "кўк-анорранглилар" билан шартномаси 2028 йилнинг ёзигача мўлжалланган бўлиб, Transfermarkt порталидаги нархи 50 миллион евро этиб белгиланган. Ҳимоячи жорим мавсум давомида Ла Лиганинг 21 учрашувида майдонга тушиб, ўз ҳисобига 3 та ассистни ёздириб қўйди.