«Манчестер Юнайтед» Бруну Фернандеш билан хайрлашишга тайёр

«Манчестер Юнайтед» ярим ҳимоячиси Бруну Фернандеш ёзги трансфер ойнасидан олдин жамоани тарк этиши мумкин. Бу ҳақда журналист Сулейман Родоп хабар берди.

Манбанинг маълум қилишича, «қизил шайтонлар» португалиялик футболчини бор-йўғи 42 миллион фунт эвазига сотишга рози. Фернандешга жиддий қизиқиш билдирган клублар орасида «Галатасарай» ҳам бор.

Шу билан бирга, эҳтимолий келишувда асосий муаммо футболчининг маоши бўлиши кутилмоқда. Туркия гранди Бруну Фернандеш қўяётган молиявий талабларни қондириши қийин экани айтилмоқда.