«Манчестер Юнайтед» Люк Шоуга ўринбосар топди

«Манчестер Юнайтед» клуби «Кристал Пэлас» таркибида ўйнаётган ҳимоячи Тайрик Митчеллни Люк Шоуга эҳтимолий ўринбосар сифатида кўриб чиқмоқда, деб хабар бермоқда Sports.kz.

CaughtOffside тарқатган маълумотларга кўра, Люк Шоунинг «Манчестер Юнайтед»дан кетиш эҳтимоли ортиб бормоқда. Унинг амалдаги шартномаси келаси ёзгача мўлжалланган, клуб раҳбарияти эса 31 ёшли англиялик футболчига фақат қисқа муддатли янги битим таклиф қилишга тайёр бўлган.

Шу боис «Манчестер Юнайтед» қишки трансфер ойнасиёқ Митчеллни ўз сафига қўшиб олишга уринши мумкин. Клубда 27 ёшли ҳимоячининг тажрибаси ва Англия Премьер-лигасидаги бир неча йиллик барқарор ўйини юқори баҳоланмоқда.

Шу билан бирга, хабарларда қайд этилишича, «Кристал Пэлас» ўзининг асосий ўйинчиларидан бири билан хайрлашишни истамайди. Бироқ Митчеллнинг ўзи юқори мақомга эга клубга ўтиш ва карьерасини юқори даражада давом эттириш имконияти туфайли бундай таклифни кўриб чиқиши мумкин.