“Манчестер Юнайтед” Рэшфорддан осон қутилиш йўлини топди

“Манчестер Юнайтед” ва “Наполи” ўзаро рокировка орқали ўзларига керак бўлмай қолган ҳужумчилардан қутилиш имконига эга бўлди.

Манчестерликлар анчадан бери Виктор Осимхенни ўз жамоасида кўришни истайди. “Наполи” Рубен Аморимга керак бўлмай қолган Маркус Рэшфордга қизиқа бошлагани клубларда ўзаро ўйинчи алмашиш истагини пайдо бўлди.

TALKSPORT  нашрининг маълум қилишича, неаполликлар Рэшфордни ўз сафига қўшиб олишга тайёр ва бу трансферга айни пайтда “Галатасарой”да ижара ўйнаб юрган нигериялик форвардни қўшишни таклиф қиляпти.

Виктор Осимхен ўтган ёзда уни “Челси”га қўйиб юбормагани учун “Наполи” билан зиддиятга борган ва ёзда барибир Италия клубини тарк этмоқчи.

Бу тарафда манчестерликлар бош мураббийи Рубен Аморим Маркуснинг ўз ишига муносабатидан норози ва кейинги пайтда деярли ўйнатмаяпти.