“Манчестер Юнайтед” трансфер учун Гвадиоладан фойдаланмоқчи

Англия Премьер-лигасидаги мавқеини тиклашга уринаётган “Манчестер Юнайтед” январь ойида “Борнмут” ҳужумчиси Антуан Семеньони сотиб олиш учун барча саъй-ҳаракатларни ишга солмоқчи.

25 ёшли футболчига “Манчестер Сити” ҳам даъвогар, бироқ “Юнайтед” мутасаддилари “шаҳарликлар” бош мураббийи Хосеп Гвардиоланинг келажаги борасидаги ноаниқликдан ўз фойдасига аргумент сифатида фойдаланишни режалаштирмоқда.

Бу ҳақда The Telegraph хабар берди.

Манбага кўра, Рубен Аморим жамоаси “Манчестер Сити”дан ташқари Семеньо учун “Тоттенхэм” ва “Ливерпуль” билан ҳам рақобат олиб бормоқда. Январь ойидан бошлаб Семеньонинг шартномасида 65 миллион фунт (74,1 миллион евро) миқдоридаги товон пули кучга киради.

Аввалроқ, The Athletic нашри Гвардиола жорий мавсум якунида жамоани тарк этиши мумкинлигини ёзган эди. Бу ҳолат клубнинг трансфер сиёсатига жиддий таъсир қилиши айтилмоқда.