Марказий учрашувда мураббий Яхшибоевга ишонмоқда
Беларусь чемпионати 12-турининг марказий учрашуви мусобақа жадвалида иккинчи ўринда бораётган “Энергетик-БГУ” ва учинчи поғонани эгаллаб турган “Шахтёр” жамоаси иштирокида бўлади.
Мутахассислар 7 июнь куни “Шахтёр” мезбонлигида ўтадиган бу баҳс чемпионат безаги бўлишига ишонмоқда. Чунки кучли рақиблар билан ҳайиқмай ўйнаётган “талабалар”дан кўпчилик бу гал ҳам шиддатли, ҳужумларни кутяпти. Чемпионатга жозиба олиб кирган “Энергетик-БГУ” бош мураббийи Владимир Белявский бир ўйиндан иборат дисквалификацияни ўтаб бўлган асосий тўпурар Жасур Яхшибоев сафга қайтганидан хурсанд.
Ўтган турда Жасурсиз ўйнаган “талабалар” ўз мухлислари кўз ўнгида “Витебск” жамоасини енга олмади.
Айни пайтда “Энергетик-БГУ” 22 очко билан мусобақа пешқадами – 25 очко жамғарган БАТЭни таъқиб қилмоқда. “Шахтёр” футболчилари эса “талабалар”дан бир очко кам тўплаган.
Фикрлар