Marsyalga Ispaniyadan zo‘r ish chiqdi

«Manchester Yunayted» tarkibida taniqli bo‘lgan sobiq hujumchi Antoni Marsyal Ispaniya chempionatida faoliyatini davom ettirishi mumkin. Bu haqida ijtimoiy tarmoqlar orqali insayder Matteo Moretto xabar berdi.

Jurnalist ma'lumotiga ko‘ra, 30 yoshli fransuz futbolchisini «Malaga» jamoasi o‘z safida ko‘rishni istamoqda. Marsyal uchun La Liga begona emas — u avvalroq «Sevilya» klubi sharafini ham himoya qilgan.

Antoni Marsyalning so‘nggi jamoasi Meksikaning «Monterrey» klubi bo‘ldi. U o‘tgan mavsumda Meksika chempionatida 17 ta o‘yin o‘tkazib, bir bor raqib darvozasini ishg‘ol etdi va ikki marotaba golli pas muallifiga aylandi.

La Ligada to‘rtta tur ortda qolgan bir paytda «Malaga» ikki ochko bilan turnir jadvalidа tushib ketish xavfi ostidagi zonada joylashgan. Klub rahbariyati Marsyal kabi tajribali hujumchini jalb etish orqali jamoaning hujum chizig‘ini kuchaytirishga umid qilmoqda.