Мартинес «Челси»га нега ўтганини тушунтирди
Эмилиано Мартинес жаҳон чемпионати финалидаги мағлубиятдан кейин янги мотивация учун «Челси»га ўтишини энг тўғри қарор деб атади.
Аргентина миллий жамоаси ва Лондоннинг «Челси» клуби дарвозабони Эмилиано Мартинес ёзги трансферлар ойнасида «кўклар» сафига ўтиш қарори ҳақида гапирди.
«Жаҳон чемпионати финалидаги мағлубиятдан тикланишим учун бироз вақт керак бўлди. Бу ҳолат менга жуда қаттиқ таъсир қилди ва жамоани алмаштириш янги мотивация топишимга ёрдам беради, деб ўйладим. Охир-оқибат, клубимни алмаштиришга муваффақ бўлдим ва бу мен қабул қилишим мумкин бўлган энг яхши қарор бўлган, деб ҳисоблайман. Ҳозир яна ўзимни муҳим футболчи сифатида ҳис қиляпман ва жисмоний ҳолатим ҳам аъло», — деди аргентиналик TyC Sports нашрига.
Эслатиб ўтамиз, аввалроқ Мартинес «Ювентус»га ўтиши мумкинлиги ҳақида хабарлар тарқалганди. Бироқ у Англияда қолишни танлади. Дарвозабон бунга қадар бир неча йил давомида «Арсенал» ва «Астон Вилла» шарафини ҳимоя қилган.
Изоҳлар (0)