Марушич водий томон йўл олди

Ўтган мавсумни "Насаф" сафида ўтказган тажрибали ҳужумчи Зоран Марушич фаолиятини "Нефтчи" клубида давом эттиради. Бу ҳақда "йўлбарслар" матбуот хизмати хабар берди. 

Якунига етган мавсумда грузиялик футболчи "аждарлар" сафида 9 та гол уришга муваффақ бўлди. У Ўзбекистондаги фаолиятини "Навбаҳор"да бошлаган ҳужумчи дебют мавсумида 11 та гол уришга муваффақ бўлган. 

Бундан ташқари, Марушич Сербия, Босния, Беларусь ҳамда Грузия каби мамлакат чемпионатларида тўп тепган.