Masharipovdan ajoyib ko‘rsatkich!

2020 yilgi Osiyo chempionlar ligasi guruh bosqichining 1-turidan o‘rin olgan "Paxtakor" "Shabab Al Ahli" (2:1) klublari o‘rtasidagi bahs bo‘lib o‘tdi.

Uchrashuvda g‘alabani qo‘lga kiritgan "sherlar" guruhda 1-o‘ringa ko‘tarilib oldi.

18-daqiqada Jaloliddin Masharipov hisobni ochdi va jamoaning mavsumdagi ilk goliga mualliflik qildi.

Yaqin tarixga nazar tashlasak, bundan bir yil avval, 2019 yilning 12-fevral kuni OChLning ikkinchi saralash bosqichi doirasida "Paxtakor" va "Eyr Fors" qarama-qarshiligida ham o‘yinning 76-daqiqasida Masharipov toshkentliklarning rasmiy o‘yinlaridagi birinchi golni raqib darvozasiga ajoyib tarzda joylagan edi.

Shunday qilib, Masharipov ketma-ket ikkinchi mavsumda "Paxtakor"ning birinchi rasmiy goliga mualliflik qildi.