Машариповдан ажойиб кўрсаткич!
Машарипов "Шабаб Ал Аҳли"га қарши беллашувда ҳисобни очди.
2020 йилги Осиё чемпионлар лигаси гуруҳ босқичининг 1-туридан ўрин олган "Пахтакор" "Шабаб Ал Аҳли" (2:1) клублари ўртасидаги баҳс бўлиб ўтди.
Учрашувда ғалабани қўлга киритган "шерлар" гуруҳда 1-ўринга кўтарилиб олди.
18-дақиқада Жалолиддин Машарипов ҳисобни очди ва жамоанинг мавсумдаги илк голига муаллифлик қилди.
Яқин тарихга назар ташласак, бундан бир йил аввал, 2019 йилнинг 12-февраль куни ОЧЛнинг иккинчи саралаш босқичи доирасида "Пахтакор" ва "Эйр Форс" қарама-қаршилигида ҳам ўйиннинг 76-дақиқасида Машарипов тошкентликларнинг расмий ўйинларидаги биринчи голни рақиб дарвозасига ажойиб тарзда жойлаган эди.
Шундай қилиб, Машарипов кетма-кет иккинчи мавсумда "Пахтакор"нинг биринчи расмий голига муаллифлик қилди.
Изоҳлар (0)