Машҳур футболчи ўзига жамоа сотиб оляпти

“Челси” тарихида порлаган афсонавий футболчилардан Жон Терри ўзига “Колчестер” клубини сотиб олишга киришди.

Футболчилик фаолиятини тугатгандан кейин Терри мураббийликни синаб кўрди, аммо мустақил иш тажрибаси йўқлиги ва ирқчилик билан боғлиқ можаро унинг имкониятларини чеклади.

The Sun нашри маълумотига кўра, 45 ёшли Терри энди футбол клубининг эгаси бўлишга қарор қилди.

У Райан Рейнольдс, Снуп Догг ва Уилл Феррелл каби машҳурлар йўлидан бормоқда. Улар мос равишда “Рексем”, “Суонси” ва “Лидс” клубларида улушга эга.

Терри “Колчестер”ни якка ҳолда эмас, балки консорциум аъзоси сифатида сотиб олишга киришган. Битим қиймати 14 миллион фунт стерлингни ташкил қилади.

Жон Терри савдо амалга ошганидан кейин клуб бошқарувида катта таъсирга эга бўлади.

Қўшимча қилиб ўтиш керак, ҳозирда “Колчестер” Чемпионшипда 13-ўринда бормоқда ва 10 100 томошабинга мўлжалланган стадионда ўйнайди.