Машҳур футболчининг ўғли дебют ўйинида гол урди

"Пахтакор" футбол академияси тарбияланувчиси Диёр Холматов асосий жамоа учун биринчи ўйинидаёқ рақиб дарвозасини ишғол қилди. Бу ҳақда клуб матбуот хизмати хабар берди.

18 ёш 98 кунлигида Муборакда "Машъал"га қарши беллашувда "шерлар"нинг асосий таркибидаги дебютини ўтказган ярим ҳимоячи майдонга тушганига 8 дақиқа бўлганида, қанотдан Сидиқов оширган тўпни жуда чиройли зарба билан дарвозага йўллади. Шу тариқа, кичик Холматовнинг дебюти муваффақиятли чиқди. Диёр ўз вақтида "Нефтчи" ва "Пахтакор"даги ажойиб ўйинлари билан ишқибозлар меҳрини қозонган Акмал Холматовнинг ўғли.

2020 йил "Пахтакор" сафида Суперлигада майдонга тушган 23 ўйинчидан 12 нафари клуб академияси тарбияланувчилари ҳисобланади.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар