Машҳур ҳимоячи учун мавсум тугади

“Манчестер Юнайтед” ҳимоячиси Маттейс де Лигтнинг мавсум тугагунча майдонга қайтиши эҳтимоли кескин камаймоқда.

Де Лигт сўнгги марта ўтган йилнинг ноябрь ўйи охирида “Юнайтед” таркибида майдонга тушган, ўшанда жамоа сафарда “Кристал Пэлас”ни 2:1 ҳисобида мағлуб этган эди.

Унинг майдондан четда қолиши бел жароҳати билан боғлиқ. Ҳозирча 26 ёшли нидерландиялик умумий гуруҳ машғулотларига қайтишга ҳам яқин эмас.

У ўтган ҳафта жамоа билан Ирландиядаги йиғинга ҳам бормади.

Де Лигт ҳозир ҳам Каррингтон базасида тикланиш жараёнини ўтамоқда ва унинг ҳолати клуб тиббий хизмати учун ҳам ноаниқ бўлиб турибди.

Бир куни у ўзини яхши ҳис қилиши мумкин, лекин кейинги куни белидаги оғриқ яна қайталанаётганидан шикоят қилаётгани айтиляпти.

BBC маълумотига кўра, Де Лигтнинг ўзи руҳан тушкунликка тушмасликка ҳаракат қилмоқда ва мавсум тугагунча сафга қайтишга умид қиляпти.