Машрабжон Рўзибоевнинг навбатдаги жанг санаси ва рақиби маълум!

10 июль куни Россиянинг Санкт-Петербург шаҳрида "Open FC 21" турнири бўлиб ўтади. Ушбу кечада Бекзод Жиянов ҳамда Нурсултон Рўзибоев шогирди Машрабжон Рўзибоев ҳам октагонга кўтарилади.

У мезбонлар вакили Валерий Вишняковга қарши жанг қилади. Машрабжон Рўзибоев сўнги жангини Бухорода ташкил этилган Brave CF промоушенида Қирғизистон вакили Ниязиддин Рисбаевга қарши ўтказиб, биринчи раунднинг дастлабки сонияларидаёқ "гильотина" услуби билан зафар қучганди. 

Маълумот учун, Рўзибоевнинг профессионал рекорди 16-4-1 кўриниш олган бўлса, Вишняков эса 6 та ғалаба ва бир мағлубият қайд этган.