Массимилиано Аллегри "Наполи" бош мураббийи бўлади

Италиялик мутахассис Массимилиано Аллегри яқин кунларида «Наполи» жамоасининг янги бош мураббийи сифатида эълон қилиниши кутилмоқда.
.

Football Iatlia тарқатган маълумотларга кўра, томонлар ўртасидаги келишув аслида анча олдингача етиб қўйилган. Ҳозирча расмий баёнот берилишини фақатгина Аллегрининг «Милан» билан амалдаги шартномасини бекор қилишга оид сўнгги юридик ва молиявий масалалар тўхтатиб турибди.
 

Кутилмоқдаки, ушбу масалалар шу ҳафта охирига қадар ҳал этилади. Шундан сўнг Неаполь клуби 58 ёшли мутахассисни жамоанинг янги бош мураббийи сифатида оммага таништиради.
 

Манбаларга кўра, Аллегрининг тайинланиши «Наполи»нинг ёзги трансфер режалари учун ҳам катта аҳамиятга эга. Янги мураббий расман ишга киришгач, клубнинг спорт директори Жованни Манна таркибни кучайтириш бўйича Аллегрининг таклиф ва талабларини инобатга олган ҳолда фаолроқ иш олиб бориши мумкин бўлади.
 

Эслатиб ўтамиз, Массимилиано Аллегри аввалроқ «Милан», «Ювентус» ҳамда қатор бошқа италия клубларини бошқарган. У ўз мураббийлик фаолияти давомида Италия чемпионатини олти марта, мамлакат кубогини эса беш марта қўлга киритган.