Майдондан ҳайдалган Мбаппе мардлик қилди

Испания чемпионатининг 31-туридан ўрин олган “Алавес” ва “Реал” ўртасидаги учрашувда пойтахтликлар қийинчилик билан кичик ҳисобда ғалаба қозонди.

Беллашувнинг кульминацион нуқтаси 38-дақиқага тўғри келди. Килиан Мбаппе раб ярим ҳимоячиси Антонио Бланконинг оёғига жуда қўпол тарзда ташланди.

Учрашув ҳаками франциялик футболчига аввалига сариқ карточка кўрсатди, бироқ VAR аралашувидан кейин жазони ўзгартириб, Мбаппени майдондан ҳайдади.

Marca нашрининг ёзишича, Килиан учрашувдан кейин Антонио Бланконинг ёнига борган, унинг саломатлигидан хабар олган ва қилмиши учун узрини сўраган.

Шунга қарамай, “Реал” тўпурари Тартиб-интизом қўмитасининг санкциясини кутяпти. Мутахассисларнинг айтишича, рақибга оғир жароҳат етказиши мумкин бўлган фол ишлатгани учун Килиан учта ўйингача дисквалификация қилиниши мумкин.