Мбаппе аламли мағлубиятдан кейин нималар деди?

Килиан Мбаппе ПСЖни Чемпионлар лигаси бош совринисиз тарк этадиган бўлди.

Франция чемпиони ярим финалда Дортмунднинг “Боруссия” клуби қаршилигини енга олмади ва ҳар икки учрашувда ҳам бир хил – 0:1 ҳисобида мағлуб бўлди.

Мусобақани тарк этган Килиан Мбаппе ўйиндан кейин ўз фикр-мулоҳазаларини билдириб ўтди.

- Рақиб жарима майдончаси ичида яхшироқ ўйнади. Мен оилам ва мухлисларга ачиндим.

Биз қўлимиздан келганини қилишга уриндик, лекин бу етарли бўлмади. Бу мавсум биз узоққа боришимиз мумкинлигини кўрсатдик, - деди Килиан Мбаппе.

25 ёшли ҳужумчи Европа Чемпионлар лигасининг бу мавсумида 12 та учрашувда рақиблар дарвозасини саккиз маротаба ишғол қилган эди.