Мбаппе Бенземанинг “тирноғи”га ҳам арзимайди

Франция терма жамоасининг собиқ футболчиси Патрис Эвра терманинг ҳозирги сардори Килиан Мбаппени қаттиқ танқид қилди.

- Бош мураббий Дидье Дешам эмас, балки бутун Франция Мбаппени эркалатиб юборди.  Килианга ёшлигиданоқ ПСЖ ва Франция терма жамоаси эшикларини очиб беришди.

Мен Мбаппе худди Майкл Жордандек бўлишини, жамоага ғалаба қозониш учун ёрдам беришини истар эдим.

Ўзимга қолса, терма жамоада сардорлик боғичини Антуан Гризманнга берардим. Лекин уни Мбаппега тақиб қўйишди.

Сизлар бу йигитчага ҳамма нарсани осонликча топширяпсизлар! Бунақа муносабатдан кейин унда ўзини кўрсатиш учун иштиёқ қоладими?

Агар сизлар уни терма жамоага чақирсангиз ва у жароҳат олса, “Реал” хўжайини Флорентино Перес билан муносабатларинг бузилади.

“Реал” ПСЖ эмас. Бу ерда таваккал қилиб бўлмайди. Журналистлар эса Мбаппени афсонага айлантириб юборган.

Мбаппе Карим Бензема даражасида эмас. Ҳозир у Бенземанинг “тирноғи”га ҳам арзимайди, - деди Патрис Эвра.