"Мбаппе бир нечта "Олтин тўп"га лойиқ"

"Реал Мадрид" ярим ҳимоячиси Лука Модрич жамоа ҳужумчиси Килиан Мбаппенинг "Олтин тўп"ни қўлга киритиш имконияти ҳақидаги саволга жавоб берди.

- У дунёдаги энг яхши футболчилардан бири. Бундай иқтидорни камдан-кам учратганман. Мени энг лол қолдирадиган нарса унинг шахсияти. У ғоят ажойиб инсон, жуда камтарин, доимо ҳазилга моил.

"Олтин тўп" ҳақида гапирадиган бўлсак, ишончим комилки, у нафақат битта, балки бир нечта "Олтин тўп"ларни қўлга киритишда асосий даъвогарлардан бири бўлади, - деди "қаймоқранглилар" сардори.

Маълумот учун, Модрич 2018 йилда "Олтин тўп" соҳибига айланган эди.