Мбаппе бир йилда учта турнир тўпурари бўлиб, бирорта соврин ютолмади

Килиан Мбаппе бир йил ичида бир вақтнинг ўзида учта йирик мусобақада энг кўп гол урган футболчи сифатида тарихга кирди.

Франция терма жамоаси ҳужумчиси жаҳон чемпионатида 8 ўйинда 10 та гол уриб, мусобақанинг энг яхши тўпурарига бериладиган «Олтин бутса» совринини қўлга киритди.

Шунингдек, 2025/2026 йилги мавсумда «Реал» сафида Мбаппе Чемпионлар лигасида 15 та, Ла Лигада эса 25 та гол муаллифига айланди. Қизиғи шундаки, у ушбу уч мусобақанинг ҳеч бирида жамоаси билан ғолиб чиқмаган.

Илгарироқ бундай натижага фақат битта футболчи – Эйсебио эришган эди. У 1966 йилда жаҳон чемпионати, миллий чемпионат ва Европа чемпионлар кубогида тўпурарлик рўйхатларида пешқадам бўлган.