Мбаппе: Бу ўйиндан кейин ҳар ким ўзига савол бериб кўриши керак

ПСЖ Чемпионлар лигасининг нимчорак финалидан ўрин олган "Бавария"га қарши баҳсда умумий 3:0 ҳисобида мағлуб бўлиб, турнирни тарк этди. Ўйиндан кейин Килиан Мбаппе ўз фикрлари билан ўртоқлашди.

"Ҳафсаламиз пир бўлди. Ҳар ким ўзига учрашувдан кейин савол бериб кўриши керак. Уларда ЧЛни ютиш учун кураша оладиган жамоа бор. Бизнинг максимум ўйинимиз - мана шу", - деди франциялик ҳужумчи.

Мбаппе фаолияти давомида ҳали Чемпионлар лигасида ғолиб бўлмаган. Ушбу ўйин унинг келажаги учун таъсир қилиши мумкин.