Мбаппе дебют ўйинини асосий таркибдан бошлайдими?

“Реал Мадрид” ҳужумчиси Килиан Мбаппе “Аталанта”га қарши бўлиб ўтадиган УЕФА Суперкубоги финалини катта эҳтимол захира ўриндиғидан бошлайди. “Марcа” хабарига кўра, бош мураббий Карло Анчелотти Чемпионлар лигаси финалидаги ғалабада муҳим рол ўйнаган футболчиларни майдонга туширмоқчи.

Манбанинг таъкидлашича, Мбаппе "Аталанта"га қарши ўйин учун таркибга киритилади ва Килиан иккинчи бўлимда "қироллик клуби" сафида дебют қилиши мумкин.

Франциялик ҳужумчи ўтган мавсум ПСЖ сафида 48 та учрашувда 44 та гол ва 10 ассист қилган.