Мбаппе Франциянинг ЖЧ-2026даги мағлубияти ва Дешамнинг охирги ўйини ҳақида фикр билдирди

Франция терма жамоаси капитани Килиан Мбаппе Англия жамоасига қарши учинчи ўрин учун бўлиб ўтган баҳсдаги мағлубият ҳақида фикр билдирди. 

«Ўйин икки мутлақо бошқа-бошқа таймдан иборат бўлди. Биринчи бўлимдан сўнг нега баъзилар биз ўзимизни ёмон томондан кўрсатдик, бу футболка шарафини ҳимоя қила олмадик, деб ўйлаётганини тушунаман. Лекин мен бунга бошқача қарайман: биз шунчаки инсонмиз, холос. Аммо бундай даражада бундай “инсонпарварлик”ка ҳаққимиз йўқ. Биринчи таймда бутунлай ҳушимизни йўқотдик, рақиб эса бизга қаттиқ сабоқ берди. Иккинчи бўлимда яна энг юқори даражадаги футболчиларга айландик, руҳан ҳам ҳақиқий машинага ўхшаб ўйнадик. Охирида барибир юта олмадик ва бу, аввало, мураббиймиз — Дидье Дешам учун жуда аламли. Биз натижага, энг аввало, унинг учун эришмоқчи эдик. Биринчи таймдан кейин гўёки уни ерга ургандек таассурот қолган бўлиши мумкин, лекин биз унинг ўзини шундай ҳис этишини ҳеч қачон истамаганмиз. Бу ўйин Дидье Дешамнинг меросига ҳеч қандай соя ташламайди», — дея Мбаппенинг сўзларини келтиради ФИФА матбуот хизмати.

Эслатиб ўтамиз, кеча ўтказилган учинчи ўрин учун жангда Франция Англияга 4:6 ҳисобида мағлуб бўлди. Мазкур учрашувда Мбаппе дубль қайд этди. Энди Килианнинг ЖЧ-2026 даги голлари сони ўнтага етди ва у аргентиналик Лионель Мессидан икки тўпга олдинда бормоқда. Жаҳон чемпионати финалида Испания ва Аргентина тўқнаш келади.