Мбаппе иккинчи марта кетма-кет жаҳон чемпионатида энг кўп гол урган футболчи бўлди

2026 йилги жаҳон чемпионати финалида Испания терма жамоаси Аргентинага қарши баҳсда ғалаба қозонди. Чемпионлик учун кураш кутилганидек голларга бой ўтмади – асосий ва қўшимча вақт якунида таблода 1:0 ҳисоби ёзилиб турди. Ягона голни 106-дақиқада Ферран Торрес урди ва Испанияга жаҳон чемпиони унвонини таъминлаб берди.

Шу билан бирга, 2026 йилги жаҳон чемпионатининг энг яхши тўпурари сифатида Килиан Мбаппе қайд этилди. Франция терма жамоаси етакчиси мусобақа давомида 10 та гол уришга муваффақ бўлди.

Тўпурарлар рўйхатида иккинчи ўринни 8 та гол билан Лионель Месси эгаллади. Учинчи поғонада эса Эрлинг Холанн ва Жуд Беллингем жойлашди – ҳар бири рақиб дарвозасига 7 тадан гол киритди.

Қизиқ жиҳати шундаки, 2022 йилги жаҳон чемпионатида ҳам Килиан Мбаппе энг яхши тўпурар бўлган эди. Ўшанда унга 8 та гол етарли бўлган, Лионель Месси эса 7 та гол билан ундан бир поғона пастда қолганди.