Мбаппе: "Испанияда ўзимни жуда яхши ҳис қиляпман"

"Реал Мадрид" ҳужумчиси ва Франция терма жамоаси сардори Килиан Мбаппе Испаниядаги ҳаёти ҳақида фикр билдирди.

"Ўзимни жуда яхши ҳис қиляпман. Дам олишга ва яхши тайёргарлик кўришга муваффақ бўлдим, энди аниқ мақсадлар билан майдонга қайтдим. Ҳаммаси эндигина бошланяпти, биз бу барқарорликни сақлаб қолишимиз керак. Қўлимдан келганича жамоаларим учун фойдали бўлишни истайман.

Бу ёзда менда кўпроқ бўш вақт бўлди, бу эса сўнгги йилларда доим ҳам рўй бермас эди. Мен ўзимни бахтли ҳис қиляпман. Мадридда тўлиқ мослашдим. "Реал"да ўйнаш – бу менинг орзуйим эди ва энди шу ердаман. Испанияда мен кўп муҳаббат, ҳурмат ва эътибор олмоқдаман. Бу ажойиб.

Мен бахтлиман ва ҳар куни майдонга чиқиб, имкониятимдан келганча кўпроқ фойда беришга ҳаракат қиламан", – деди Мбаппе TF1 телеканалига берган интервьюсида.