Мбаппе жаҳон чемпионатларида голлар сони бўйича Мессидан ўтиб рекордчига айланди

Франция терма жамоаси ҳужумчиси Килиан Мбаппе жаҳон чемпионатлари тарихида энг кўп гол урган футболчи сифатида янги рекорд ўрнатди. 

Англияга қарши учинчи ўрин учун баҳсда (4:6) 27 ёшли форвард икки бор рақиб дарвозасини ишғол этиб, мундиаллардаги голлар сонини 22 тага етказди. Бу натижага эришиш учун унга жаҳон чемпионатларида 22 та ўйин кифоя қилди.

Шу тариқа, Мбаппе жаҳон чемпионатлари тарихидаги энг самарали тўпурарлар рўйхатида пешқадамга айланди. У 33 та ўйинда 21 гол урган Лионель Месси кўрсаткичини ортда қолдирди.

Шу билан бирга, Аргентина терма жамоаси етакчиси Мессида француз ҳужумчисини қувиб етиш ва ҳатто ортда қолдириш имконияти ҳали сақланиб қолмоқда. Бугун Жаҳон чемпионати–2026 финал баҳси бўлиб ўтади. Унда Аргентина терма жамоаси Испания миллий жамоасига қарши чемпионлик учун майдонга тушади.