Мбаппе жамоа бўйича қарорини ўзгартирди

ПСЖ ҳужумчиси Килиан Мбаппе фаолиятини Париж клубида давом эттириши ва янги шартнома имзолаши кутилмоқда, деб хабар тарқатди L'equipe нашри.

Парижликлар асосий футболчисини сақлаб қолиш учун анчадан бери уни янги битимга кўндиришга ҳаракат қилмоқда.

Манбага кўра, Мбаппе қисқа муддатли қишки таътилдан қайтганидан кейин клуб хўжайини Нассер Ал-Хелаифий билан кўришган. Ушбу учрашув бир соатга яқин давом этган ва клуб президенти ваъда қилган шароитлар Килианни қизиқтириб қўйгани айтилмоқда.

Аслида Мбаппе “Реал”га ўтиши кутилаётган эди. Бироқ “Қироллик клуби” ҳужумчига таклиф бўйича жавобини маълум қилиш учун муддат белгилагани Килианга ёқмади. Мбаппе ҳеч қайси клуб ўзига босим ўтказишига йўл қўймоқчи эмас.