Мбаппе: Кетсамми ёки қолсамми?

“Пари Сен-Жермен” ҳужумчиси Килиан Мбаппе фаолиятини қайси клубда давом эттириш футбол мутахассислари ва мухлисларининг аксариятини қизиқтириб келади.

Ҳар куни Мбаппенинг келажакдаги фаолиятига оид турли хабар ва маълумотлар тарқатилмоқда.

Журналист Абдулла Булманинг маълум қилишича, 25 ёшли форвард ПСЖ билан янги шартнома имзоламайди.

Шундай бўлиб чиққан тақдирда ҳам Мбаппенинг қайси жамоани танлаши мавҳум. Кўпчилик “Реал” вариантини тахмин қилаётган бўлса-да, ўртада айрим масалалар бор. Хусусан, Килианнинг манфаатларини агент сифатида ҳимоя қилаётган онаси Файза хоним “Реал” хўжайини Флорентино Пересни ёқтирмайди.

Қолаверса, Мбаппенинг ўзига ҳам “Реал” турли шартлар ва муддатлар қўйиш орқали босим ўтказишга ҳаракат қилаётгани маъқул келмагани айтиляпти.

Парижликлар билан амалдаги шартномаси якунланиб бораётган футболчининг ўзи ҳали қайси клубни танлаш борасида қарор қилмаганини билдирган.