Мбаппе президентлик ҳақидаги саволга жавоб берди

Франция терма жамоаси ҳамда "Реал" ҳужумчиси Килиан Мбаппе футболчилик фаолиятини якунлагандан кейин сиёсатга кириш эҳтимоли ҳақида фикр билдирди.

Аввалроқ француз юлдузи келажакда "янада каттароқ мақсадлари" борлигини айтганди. Шу муносабат билан ундан Франция президенти бўлиш режаси бор-йўқлиги сўралди.

"Йўқ, хавотир олманглар, мен Франция президенти бўлмоқчи эмасман. Бу ҳақда менга кўп гапиришади, аммо бу режаларим қаторига кирмайди.

Мени ҳозирнинг ўзида етарлича ёқтирмайдиганлар бор", — деди Мбаппе кулиб.

"Мен келажакда кўпроқ кўзга ташланмайдиган ҳаёт кечиришни истайман", — дея қўшимча қилди 27 ёшли футболчи.

Эслатиб ўтамиз, Мбаппе ҳозирда Франция терма жамоаси билан Жаҳон чемпионатида иштирок этмоқда. Французлар гуруҳ босқичида Сенегал, Ироқ ва Норвегия терма жамоаларига қарши баҳс олиб боради.